ನಕ್ಷತ್ರದ ಧೂಳು
( ರೋಹಿತ್ ವೇಮುಲ ಬದುಕು - ಹೋರಾಟ ಆಧರಿಸಿದ ಏಕವ್ಯಕ್ತಿ ರಂಗಪ್ರಯೋಗ ನಾಟಕ ಕೃತಿ ) ನಕ್ಷತ್ರದ ಧೂಳು ರಚನೆ : ಹರ್ಷಕುಮಾರ್ ಕುಗ್ವೆ ( ಪರದೆಯಲ್ಲಿ ಕಾರ್ಲ್ ಸೇಗನ್ ಜಗತ್ತನ್ನು , ಭೂಮಿಯ ಮತ್ತು ಮನುಷ್ಯನ ಕುರಿತು ಹೇಳುವ ವಿಡಿಯೋ . ಎದುರಿಗೆ ರೋಹಿತ್ ಕುರ್ಚಿಯ ಮೇಲೆ ಅದನ್ನು ವೀಕ್ಷಿಸುತ್ತಾ ಕುಳಿತಿದ್ದಾನೆ . ವಿಡಿಯೋ ಕೊನೆಯಾಗುತ್ತಿದ್ದಂತೆ ಎದ್ದು ಮುಂದೆ ಬಂದು ) ರೋಹಿತ್ : ವಾಹ್ , ಎಂತಹ ಅದ್ಭುತವಾದ ಒಳನೋಟ ! ಈ ಬ್ರಹ್ಮಾಂಡದ ಬಗೆ , ್ಗ ನಕ್ಷತ್ರಗಳ ಬಗ್ಗೆ , ಬದುಕಿನ ಬಗ್ಗೆ !! ಮನುಷ್ಯ ಎಷ್ಟು ಸಣ್ಣವನು ಅಂತ ನಿಜಕ್ಕೂ ಅರಿವಿಗೆ ಬರಬೇಕಾದ್ರೆ ಕಾರ್ಲ್ ಸೇಗನ್ ವಿಚಾರಗಳನ್ನ ತಿಳ್ಕೋಬೇಕು . ನಂಗಂತೂ ಹುಚ್ಚು ಹಿಡಿಸಿದ ಬರಹಗಾರ ಈತ . ನಂಗೆ ದೊಡ್ಡ ಬರಹಗಾರ ಆಗ್ಬೇಕು ಅನ್ನೋ ಕನಸು . ಎಂತಹ ಬರಹಗಾರ ಅಂದ್ರೆ ಈ ಕಾರ್ಲ್ ಸೇಗನ್ ತರದ ಬರಹಗಾರ . ವಿಜ್ಞಾನ , ಖಗೋಳ ಜ್ಞಾನವನ್ನ ತಿಳ್ಕೊಂಡು ಅದರ ಆಧಾರದ ಮೇಲೆ ಇಡೀ ವಿಶ್ವದ ಭವಿಷ್ಯವನ್ನ ಹೇಳ್ಬೇಕು , ಹಾಗೆ . ಓಹ್ , ನಿಮಗೆ ನನ್ನ ಪರಿಚಯಾನೇ ಇನ್ನೂ ಆಗಿಲ್ಲ ಅಲ್ವಾ ? ನನ್ನ ಹೆಸರು ರೋಹಿತ್ . ವೇಮುಲ ರೋಹಿತ್ ಚಕ್ರವರ್ತಿ . ನಾನು ಹುಟ್ಟಿ ಬೆಳೆದಿದ್ದೆಲ್ಲಾ ಆಂಧ್ರ ಪ್ರದೇಶದ ಗುಂಟೂರಲ್ಲಿ . ಈಗ ನಾನು ಹೈದರಾಬಾದ್ ವ...